Share page | Visit Us On FB |
90 TONE-POETRY OF ROBERT BURNS |
||
No. 96. I see a form, I see a face.
Tune : This is no mine ain house Orpheus Caledonius, 1733, No. 32. |
||
|
||
|
||
|
||
ChorusThis is no my ain lassie. Fair tho' the lassie be; Weel ken I my ain lassie— Kind love is in her e'e.
I see a form, I see a face, Ye weel may wi' the fairest place : It wants to me the witching grace, The kind love that's in her e'e.
She's bonie, blooming, straight, and tall, And lang has had my heart in thrall; And ay it charms my very saul, The kind love that's in her e'e.
A thief sae pawkie is my Jean, To steal a blink by a' unseen ! But gleg as light are lovers' een, When kind love is in the e'e.
It may escape the courtly sparks, It may escape the learned clerks ; But well the watching lover marks The kind love that's in her e'e. |
||